‌ده‌ست‌و په‌نجه‌‌كانت بپارێزه‌

ده‌ست‌و په‌نجه‌‌كانت بپارێزه‌ له‌كاریگه‌ری‌ ئاوو هه‌واو قڵیشان‌و تێكچوونی‌ پێستیان، تا هه‌میشه‌ شێوه‌یه‌كی‌ جوان‌و سه‌رنجراكێش ببه‌خشن‌و جوانتر ده‌ربكه‌ویت.

ده‌ست‌و په‌نجه‌

به‌و پێیه‌ی‌ ده‌ست‌و په‌نجه‌ی‌ مرۆڤ ئه‌ركێكی‌ زۆریان له‌سه‌ره‌ بۆیه‌ به‌زوویی‌ شوێنه‌واری‌ پیربوون‌و قڵیشان‌و نه‌خۆشكه‌وتنیان پێوه‌ ده‌رده‌كه‌وێت، به‌ڵام ده‌كرێت له‌رێی‌ گرنگی‌ پێدان‌و خزمه‌تكردنیان ئه‌و شوێنه‌وارانه‌ بشاریته‌وه‌و به‌شێوه‌یه‌كی‌ جوان ده‌ربكه‌ون.

ده‌سته‌كانت به‌درێژایی‌ ساڵ ده‌كه‌ونه‌ ژێر كاریگه‌ری‌ گه‌رماو سه‌رماو ته‌ڕبوون، هه‌موو ئه‌مانه‌ش ده‌بنه‌ مایه‌ی‌ زبربوون‌و وشك هه‌ڵاتنیان.

* زبربوونی‌ ده‌ست‌و په‌نجه‌:

سپێنه‌ی‌ هێلكه‌ كاریگه‌ری‌ ته‌واوی‌ هه‌یه‌ له‌سه‌ر نه‌رمبوونه‌وه‌ی‌ ده‌ست‌و په‌نجه‌ت، بۆیه‌ به‌كاری‌ بهێنه‌و دوای‌ شتنی‌ ده‌سته‌كانت به‌ئاوی‌ شیله‌تێن ئینجا كرێمی‌ تایبه‌تی‌ لێبده‌.

ئه‌گه‌ر ده‌ست‌و په‌نجه‌كانت وشك هه‌ڵاتبوون، باشتره‌ زه‌یتی‌ بایه‌م یان تێكه‌ڵه‌یه‌كی‌ زه‌یتی‌ زه‌یتوون‌و هه‌نگووین به‌كاربهێنیت، به‌جۆرێك كه‌ بۆ ماوه‌یه‌كی‌ زۆر به‌ده‌سته‌كانته‌وه‌ بمێنێته‌وه‌ پاشان به‌پاككه‌ره‌وه‌یه‌ك لاببرێت كه‌ ماده‌ی‌ سابوونی‌ تیا نه‌بێت.

ئه‌گه‌ر ده‌سته‌كانت قڵیشی‌ بردبوو، ئه‌وا بیخه‌ره‌ ئاوی‌ شیله‌تێنه‌وه‌ بۆ ماوه‌یه‌كی‌ زۆر، چه‌وری‌ بكه‌ به‌كرێمی‌ تایبه‌ت‌و بیخه‌ره‌ نێو گیراوه‌ی‌ شیره‌وه‌، باشتره‌ هه‌فته‌ی‌ جارێك لیمۆ بده‌یت له‌ده‌ست‌و په‌نجه‌كانت.

* بۆ جوانراگرتنی‌ ده‌ست:

خوێ‌ بكه‌ره‌ ناو ئاوه‌وه‌و بۆ ماوه‌ی‌ پێنج ده‌قیقه‌ له‌سه‌ر ئاگر بیكوڵێنه‌، پاش ئه‌وه‌ی‌ كه‌مێك ساردبووه‌وه‌ بۆ ماوه‌ی‌ چاره‌كێك ده‌سته‌كانتی‌ بخه‌ره‌ ناو، ئه‌مه‌ ره‌ونه‌ق‌و جوانی‌ بۆ ده‌گێڕێته‌وه‌.

چاره‌كی‌ پیاڵه‌یه‌ك خه‌لی‌ سپی‌‌و هه‌مان بڕ له‌هه‌نگووین‌و ئاوی‌ گوڵ بهێنه‌و تێكه‌ڵیان بكه‌‌و بیده‌ له‌ده‌ست‌و په‌نجه‌ت‌و بۆ ماوه‌یه‌ك بیهێڵه‌ره‌وه‌ پاشان بیشۆ.

* ده‌ست‌و په‌نجه‌ت بپارێزه‌:

له‌كاتی‌ راپه‌ڕاندنی‌ ئه‌ركه‌كانی‌ ماڵه‌وه‌ به‌رده‌وام ده‌ستكێشی‌ تایبه‌ت به‌كار بهێنه‌.
هه‌ركاتێ ده‌ست‌و په‌نجه‌ت ته‌ڕ بوو به‌زوویی‌ وشكی‌ بكه‌ره‌وه‌و مه‌هێڵه‌ ئاوی‌ پێوه‌ بمێنێت.
كرێمی‌ تایبه‌تی‌ دژه‌ تیشكی‌ خۆری‌ بۆ به‌كاربهێنه‌.