ساڵی رابردوو تۆڕی ئینته‌رنێت، بوو به‌ دووه‌م سه‌رچاوه‌ی زانیارییه‌كان له‌ ولایه‌ته‌ یه‌كگرتووه‌كانی ئه‌مه‌ریكا، بۆ یه‌كه‌مجاریش له‌ رۆژنامه‌ی چاپكراوی ئاسایی تێپه‌ڕاند، به‌گوێره‌ی ئه‌و لێكۆڵینه‌وه‌یه‌ی كه‌ سه‌نته‌ری بیوی ئه‌مه‌ریكی بۆ توێژینه‌وه‌ ئه‌نجامیداوه‌، تا ئێستا ته‌له‌ڤزیۆن هه‌ر به‌چاكترین هۆكاری ڕاگه‌یاندن ماوه‌ته‌وه‌،

نزیكه‌ی 40%ی ئه‌مه‌ریكیه‌كانیش ڕایانگه‌یاند سه‌ره‌تا بۆ چاوپێخشاندن به‌ ڕووداوه‌كان ڕوو له‌ ئینته‌رنێت ده‌كه‌ن، له‌ به‌رامبه‌ردا 35% پێیان چاكتره‌ رۆژنامه‌ بخوێننه‌وه‌. له‌ توێژینه‌وه‌كه‌دا پێشكه‌وتنێكی گه‌وره‌ ده‌بینرێت له‌به‌كارهێنانی ئینته‌رنێت له‌ماوه‌ی ساڵی 2007و 2008 كه‌ گه‌یشتۆته‌ 16خاڵ. له‌كاتێكدا كه‌ رێژه‌ی خوێنه‌ری رۆژنامه‌كان چه‌ند ساڵێكه‌ له‌ كه‌مبوونه‌وه‌یه‌كی هێواش دایه‌، به‌ڵام 70%ی ئه‌مه‌ریكیه‌كان ته‌له‌ڤزیۆنیان وه‌ك چاكترین هۆكاری زانیارییه‌كان دانا، ئه‌و رێژه‌یه‌ش لای ئه‌و كه‌سانه‌ی كه‌ ته‌مه‌نیان له‌سی ساڵی كه‌متره‌ گه‌یشته‌ 59% واتا كه‌متر به‌ 9خاڵ به‌ به‌راورد له‌و توێژینه‌وه‌یه‌ی كه‌ مانگی ئه‌یلولی 2007ئه‌نجام درا.

.c4kurd